“Ардын элч” Ардын уран зохиолчидтой дөрөө харшуулав
“Ном бол хүний сайн сайхан замаар замнахын үүдийг нээж байдаг эрхэм зүйл юм” Алдаж эндсэн хүмүүст энэ үүдийг нээх “НОМЫН БАЯР” нээлттэй хаалганы өдөрлөг ШШГЕГ-ын харьяа хорих 441 дүгээр ангид 5 дугаар сарын 10-ны өдөр боллоо. Тус өдөрлөгийг 441 дүгээр хорих ангиас Утга зохиолын академи, Үндэсний номын сантай хамтран зохион байгууллаа.
Өдөрлөгийн арга хэмжээнд Монголын яруу найргийн ноён оргилууд болох Төрийн шагналт, Ардын уран зохиолч Ш.Сүрэнжав, Ардын уран зохиолч, СГЗ Т. Галсан, зохиолч, сэтгүүлч СГЗ Т.Баасансүрэн, сэтгүүлч, зохиолч н.Зэвсэг, яруу найрагч Ц.Хулан зэрэг утга зохиол, үргэлжилсэн үгийн мастерууд оролцож алдаж эндсэн ч гэсэн хүн байхын учрыг тайлсан үгс, шүлэг уншиж хүмүүжигчдэд сэтгэлийн ухаарал хайраллаа.
Өдөрлөгөөр тус ангийн номын санд Үндэсний номын сангаас төрөл салбарын 110 гаруй ном, Утга зохиолын академаас болон яруу найрагчид өөрийн бичсэн болон хувийн номын сангаасаа 200 гаруй ном бэлэглэж хүмүүжигчдэд оюуны хөрөнгө оруулалт хийлээ.
Тус өдөрлөгийн зорилго нь хүмүүжигчийг нийгэмшүүлэх ажлын хүрээнд тус ангийн номын санг баяжуулж тэднийг номоор зөв төлөвшүүлж оюун ухааныг нь тэлэх, хүмүүжигчдийн ар гэрийнхэнд энэ үйл ажиллагааг мэдээлэн таниулахад чиглэсэн юм. Тус анги нь жирийн дэглэмтэй хорих анги бөгөөд өнөөдөр тус ангид 363 хүмүүжигч хүмүүжиж байна.

Үргэлжлэлийг энд дарж үзнэ үү.